بالخير..
هذا يقولكم واحد صيني راح يدرس بامريكا وعاش فيها فترة وعرف طبايعهم ودرس تصرفاتهم ..
ورسم رسمات وفق تصوره في الفرق بين ثقافتنا وثقافتهم .. لكن ابن الذين جابها في التصميم ..
المهم هذا اللي بالاحمر يقصد به الشرقيين اللي هم العرب والآسيويين والافريقيين .. واللي بالازرق ذولا الغرب اوربا وامريكا ..
تعالوا نشوف سوا ..
كيف توصل اللي تبيه لغيركالشرقيين يلفون ويدورون حول الموضوع ويدخلك بمتاهات ومواضيع مالها سنع .. اما الغرب فيطقونها بالوجه ويعطونك اياها دايركت ..
طريقة العيش والاختلاط بالناسالشرقيين اجتماعيين لابعد درجة ويحبون السواليف والدندرة ..
ويمكن يموت الواحد فيهم اذا مالقى احد يوسع صدره وقد تجيه حالة نفسية .. يعني وسيعين صدر ..
اما الغرب يفضلون الوحدة والانعزال .. بالعربي يجيبون الغلقة ..
المواعيدالشرقيين في مواعيدهم ينقسمون لقسمين :
اما حريصين على الموعد فيجي قبل الموعد ولا قبل الدوام بساعة
(هذولي طبعا مهب عندنا تلقونهم في الصين وكوريا واليابان) ..
والقسم الثاني يطنش ويعطي العالم ركبة ويسحب عليهم ساعتين ..
(هذولي ربعنا
)
اما الغرب كنهم ساعة منبه يجيك على الموعد بالزبط لا يقدم ولا يأخر ..
العلاقاتالشرقيين تلاقيهم يعرفون بعض ويتصلون في بعض والمكالمات والمسجات تدهر عندهم وقبلهم مربحين شركة الاتصالات ..
اما الغرب فعلاقاتهم محدودة وسطحية وتنصب في نطاق الرسميات غالبا .. يعني الوصل عندهم بالاعياد مثل عيد الام وطقته ..
الـمجاملات ومشاعر الحب والكرهالشرقيين غالبا تلاقينهم مجاملين من الدرجة الاولى .. يعني تجيك تبتسم في خشتك ابتسامة مزيفة وتقول لك ياعمري ويا قلبي تقولين في خاطرك وش ذا الحبيبة وهي من جوا ودها تغتالك ..
بالعربي مشاعرهم غامضة ومايندرا وش اللي يدور في خلجات نفوسهم ..
أما الغرب ماعندهم فيك اذا ماجزتي لهم ولا مالهم خلقك كشروا في وجهك وما عنده مشكلة يقول لك اقلبي وجهك ..
النظامالشرقيين قبلهم حوسة وشغلهم دعفسة .. ومايعرفون النظام ابد ..وتلاقينهم في البنوك ولا مكان في طابور كل واحد يسقط على الثاني كل واحد ما همه الا نفسه ..
وفي الشوارع يساقطون
ويقطعون الاشارات وكل واحد يدخل على الثاني ..
أما الغرب لا نظاميين ولا يحبون يخالفون القواعد والانظمة وشغلهم دايم مرتب..
الشوارع ايام الاجازات الشرقيين مايصدقون تجي اجازة تلاقينهم كلهم يدورون في الشوارع حتى لو هم مالهم حاجة .. عاد الله من الزحمة وحومة الكبد ..
اما الغرب وقت الاجازة يعده وقت راحة من كل شي من السواقة ومن الدوجان .. فتلاقينه ينجطل في بيته ويتابع التلفزيون ولا يشوف فلم .. وان طلع فهو يطلع في نزهة يشم هوا ..
الحفلات والاجتماعات الشرقيين يجلسون كلهم سوا ويسولفون ويتقهوون ويتعشون مع بعض .. وكلن يشوف الثاني ويسال عنه ..
اما الغرب لا كل واحد مع خويه ولا خويته لحالهم واحيانا تلاقون واحد مرتز لحاله مدري وشوله جاي دامه يبي يقعد لحاله كان قعد في بيته وحمد ربه..
في السفريات واماكن التنزهـالشرقيين كل ما شافوا لهم من شي خذوا لهم لقطة وكل النهار مدهرين تصوير على سنع وعلى غير سنع ..
ولكم في الهنود خير مثال كل نهارهـ يرتز ويقول لاخوياه صوروني ..
لو هو في الصرف الصحي يوقف هو وربعه يصورون ماخذين مقلب فيه يحسبونه بحر ..
وعاد اليابانيين والفلبينيين وش خليتوا شاقلين الكاميرا 26 ساعة ويشتغلون تصوير ولاهب يفوتهم شي ابد ..
اما الغرب يحبون يتفرجون وبس ..
مواجهتهم للعقبات والمشاكلالشرقي يحب يتهرب من مشاكله ولا يحاول انه يحلها ..
اما الغربي فيواجه مشاكله بكل ثقة ويحاول يجد له مخرج منها ..
الوجباتالشرقيين يحبون الاكل الدسم ويعشقون الطبخ فتلاقون فطورهم وغداهم وعشاهم كله دسم ..
وحريمهم سنعات كل نهارهم يطبخون ويزينون في هالاطباق والحلويات..
اما الغرب مايعرفون السنع ولا الطبخ وياكلون وجبتين خفيفات والثالثة اللي عليها الكلام تكون دسمه وغالبا ماتكون وجبة الغداء..ويجيبونها من المطعم .. وان مسكت معهم ذاك اليوم طبخ ولا عندهم عزيمه جابوا ديك رومي محشي وجاهز ودسوه في الفرن وولعوه عليه ..
وسائل النقل الشرقيين كانت بدايتهم ضعيفة وكانت التكنلوجيا عندهم صفر ..
وعايشين على النقل البدائي من الحمير والجمال والفيلة والسياكل ..
لكن الآن تقدموا وصاروا يسوقون سيارات وسبقوا الغرب..
وصارت اليابان هي الرائدة في صناعة السيارات..
اما الغرب فصناعة السيارات كانت قديمة عندهم وكانت وسائل النقل عندهم متطورة ..
لكن الحين تأخروا وصاروا يمشون مشي ولا يركبون سيكل او دباب ..
شعورهم مع تقلبات الجوالشرقيين ما تفرق معهم سواء فيه مطر ولا شمس كله واحد ..
(المقصود الشرق آسيويين) لان طبعا ربعنا بالسعودية مايصدقون يجي مطر الا وكل العالم بررا كاشتين ويبربسون في هالامطار ..
اما الغرب فيفرحون اذا كان الجو صحوا ومشمس ..
اما اذا صار مطر طقتهم الغلقة ..
الرؤساء والمدراء والمسؤولين الشرقيين يعظمون رؤساءهم ويرفعونهم فوق .. والرئيس هو اللي كلمته ماشية والباقين ماكلين تبن ..
اما الغرب الرئيس مثله مثل اي واحد في الشعب مافيه فرق .. ولا يحطون له اي اعتبار ..
الطفلالشرقيين يحبون الاطفال ويحيطونه بالرعاية والاهتمام .. فينشأ الطفل بين امه وابوه وجدانه وخواله وعمانه كلن يشقله وكلن يهتم فيه ..
اما الطفل بالغرب مهمل يعيش عند امه وابوه بس محد يعطيه وجه ياعزتي له ..
والله يااهو جاابها بعد ذالصيني .. ملاحظاته جيدة انه لذو ذهن متفتق ..
اتمنى اعجبكم الموضوع..
ودومتم بكواسة ..