روايه لاتحسب اني في البعد بنسى غلاك.. اخطر من الخطيره....!؟!

" روايه لا تحسب اني في البعد بنسى غلاك"
روايه سعوديه خطييره


لا تحسب اني في البعد بنسى غلاك ....
لا والذي له النفس مردوره ....
دايم بوسط الليل بالحلم القاك ....
وياما تمنيت الحلم تصدق شهوده ....
اخفى دموع العين لاحل طاريك ....
وفكري على ذكراك قلبي يقوده....
قلبً يداريك ما اظن يخفاك ....
قلب يحبك يوم بيثبت وجوده...




سلمان (( ابو محمد )) رجل اعمال ومعه في الشركه اخوانه عادل (( ابو ابراهيم)) وأديب (( ابو خالد))

(*( العوائل)*)

سلمان (( ابو محمد))
متزوج وعنده زوجتين الاولى جابت له محمد ولما صار عمره 7 سنوات توفت بسبب العلاج اللي تتعاطاه وتزوج منيره(( ام ناصر)) اللي ربت محمد احسن تربيه وصارت له امه الثانيه...
محمد..[عمره 32 سنه متزوج وزوجته اسمها رحاب عصبي اوقات وحبوب اوقات وما يحب دلع البنات .. عنده بنت اسمها لميس عمرها 5 سنوات وولد اسمه سلمان على ابوه عمره سنتين]....
وجاه من زوجته الثانيه بنتين وولدين هم :
ناصر ..[عمره 29 سنه متزوج وزوجته اسمها عبير بنت خالته وطيب حييل ومملوح وصديق ابراهيم ولد عمه ..ولم يكتب الله له الذريه ]...
نجود ..[ عمرها 27 سنه على نياتها ومتزوجه وزوجها اسمه مشعل وعندها ولدين طارق عمره 5 سنوات وطلال تسع شهور]...
بشار..[عمره 24 سنه طويل ونحيف ومملوح وكل البنات خاقين عليه بس فيه غرور غير طبيعي..]..
نوره ..[ عمرها 19 سنه مملوحه وطويله ونحيفه ودلوعه لأنها اخر العنقود فيها شوي غرور بس ما نقدر نسميه غرور هو اقرب لعزه النفس وصديقه الريم وشهد الروح بالروح وتحب فايز ولد عمها ابراهيم..]..
______________________________________________________
عادل (( بو ابراهيم ))
متزوج وزوجته اسمها هدى وعنده من الاولاد 2 ومن البنات 3 هم:
ابراهيم ..[ عمره 29 سنه حلو وطويل واسمر وعصبي متزوج واسم زوجته ساره وعنده بنت اسمها غزيل عمرها سنتين]...
فايز ..[ عمره 25 سنه حلو وطويل وحنطي وطيب حيييل ورزه بمعنا كلمه رزه وصديق خالد ولد عمه اديب]..
الريم..[ عمرها 19 سنه طويله نحيفه واحلى مافيها عيونها عسليه رومنسيه حييييييييييييل ومزاجيه تحب خالد ولد عمها اديب]..
مشاعل..[ عمرها 12 سنه]
ريوف ..[ عمرها 5 سنوات ]
______________________________________________________________
أديب (( ابو خالد))
متزوج وزوجته اسمها شروق وعنده من الاولاد 2 ومن البنات 4 وهم:
خالد..[ عمره 25 سنه ابيض وفيه طول مو طبيعي ونحيف مرره حلو وهو وفايز اصدقاء من صغر السن واحلى ميزه فيه انه حنوووووووووووون ورمنسي]..
شهد..[ عمرها 19 سنه رومنسيه وطويله حلوه وبنوته هادئه تحب نواف صديق اخوها خالد]..
بيان..[ عمرها 14 سنه مرجوجه عكس اختها تماما وخفيفه دم وتحب تحط عقلها بعقول الكبار]..
غدير وغاده..[ توئم عمرهم 6 سنوات حلوين ومؤدبين وهادين ]
خيال..[ عمره سنتين]..

________________________________________
شهد كانت بغرفتها الساعه 3 الفجر قاعده تكلم نواف
نواف: الوو مين معي
شهد: ما عرفتني
نواف : لا والله ما اعرفك انتي تعرفيني ..
شهد: اعرفك عز المعرفه ..
دخل عليها خالد وهو واقف عند الباب :مين تكلمين..؟؟
شهد : الريم بنت عمي .. ليش تسأل
خالد: لا ولاشي..(( وهو يناظر الساعه )) مشاء الله الريم الا الان صاحيه..
شهد : ايه صاحيه ... ليش بغيت شي
خالد: قلت لك ما ابغى شي تصبحين على خير ..
شهد : وانت من اهله..

وبعد مرور يومين من السالفه .. اول يوم بالدراسه والكل قايم اللي بيروح للعمل واللي بيروح للمدرسه واللي للجامعه ... شهد قاعده تقول للريم عن سالفتها يوم تكلم نواف وهي معصبه من لقافة خالد.. والريم تسمع وهي مستغربه معقوله بنت عمها تكلم شباب ؟؟!!...
شهد: لابس كنت فاقدته من زماان ما سمعت صوته ولا شفته لانه رايح لشرقيه ... وعلى فكره تراه ما يدري اني شهد اخت صديقه ...
الريم : اليوم تكلميه .. وبكره تطلعين معه ... والله يستر وش يصير..
جت نوره ومزون صديقتهم وهم متحمسين بسوالف ..الريم اول ما شافه مزون راحت ضمتها ..
الريم : وحشتيني يا دوبا
مزون : وانتي اكثر..
(( على فكره الريم ومزون صديقات الروح بالروح))
نوره حاطه يدها هلى خصرها : انا مالي رب ..زعلت ..
راحت الريم وضمتها وهي تقول: انتي شايفتك امس ما اشتقتلك ..
قعدوا يسولفون شوي
الريم : مزون ما دريتي
مزون : مادريت عن ايش
الريم : بنرجع مع خالد ولد عمي اللي هو اخو شهد لمدت اسبوع
شهد مستغربه : لا وليش الاخت فرحانه..؟!؟!
الريم وهي منحرجه : لا ولا شي بس اخوك فله
نوره تناظر الريم وكأنها فاهمه قصدها
( صفرت)
شهد: اقول قوموا جت سمر (مديره المدرسه)
نوره وهي تكلم شهد : الحين انتي ليش معصبه ..
شهد ونوره راحوا للفصلهم وقابلتهم صديقتهم ايمان ( ايمان مسترجله لكن قلبها ابيض)
ايمان وهي تضرب يد نوره: هلا نواره( دلعها) كيفك؟
نوره: تمام ...وحشتيني يالوحشه
ايمان : انا ههههههههههههههاي
شهد : على ايش تضحكون ضحكوني معكم..
نوره وهي تضحك : على الخبله ايمان
ومن مكان قريب منهم
الريم ومزون ورؤود صديقتهم راحوا لفصلهم......
:::::

في الشركه سلمان وعادل واديب مجتمعين يشوفون المعاملات اللي جت بعد الاجازه .. دخل عليهم محمد وناصر وابراهيم
ابراهيم : هلا صباح الخير
ابو ابراهيم : اقول يا وليدي فيه شي اسمه سلام
ناصر وهو يناظر ابراهيم : ايه عمي علمه الادب هذا كبره ولا يعرف يقول السلام عليكم ورحمه الله ..
محمد بجديه : ناصر وانت ما تعلمت ان مكان الشغل مافيه استهبالات...
ابراهيم: هههههههههههه فهمت مكان العمل ما فيه استهبالات..
ابو خالد: ناصر وابراهيم اسكتوا خلونا نسمع اللي عند ابو سلمان(محمد)
محمد : فيه شركه حابه تتعاقد معانا في الشركه لمده ست شهور .. وقل ارد لكم بعد ما اشاور الروس الكبار..
ابو محمد : اذا شايفها تصلح ما عندنا مانع
محمد: على ما اعتقد انها شركه الجاسر..
ابو خالد : ايه خلاص بعد كم جلسه نرد لكم الخبر لأن فيه شركات للجاسر مزيفه ولايمكن ان احنا نتعاقد معها..
محمد : خلاص ( وهو يطلع الكرت من جيبه ) هذا العنوان
******************************************
في المدرسه
الفسحه
نوره ومزون وشهد قاعدين يقنعون الريم عشان تاكل شي لانه مو زين لها علشان فيها فقر دم حاد
الريم : تكفون مو مشتهيه
نوره : مو على كيفك لازم تاكلين شي اقل شي اشربي عصير اغصبي عمرك يا شاطره...
الريم : خلاص نوره قلت لك مو مشتهيه..
مزون : لا الريم لازم تاكلين ... علشان صحتك ..
الريم وهي تقوم : خلاص ما تفهمون ,,اروح مع رؤود ابرك لي..
راحت الريم مع رؤود صديقتها وشوي وصفرت وكل وحده راحت لفصلها ..
في فصل 3/2
الريم: مزون
مزون وهي تناظر الريم: اكلتي شي ولا لأ ..
الريم : والله مو مشتهيه مزون انتي عارفه اني ما اكل ولا اشتهي اكل المدرسه ...
مزون :مو على كيفك تتفهمين مو على كيفك لازم تعصبين عمرك علشان مستقبلك اذا جا احد وخطبك بيقولون له اهلك بعدين بيرفض لأنه بيخاف على عياله
الريم: مين قالك اني بتزوج غير خالد...؟
*******************************************
في بيت ابو محمد نجود كانت عندهم لأن زوجها مسافر لماليزبا
نجود : اقول يمه
ام ناصر: سمي
نجود : دقي على مرت عمي اديب وقوليلها عن الأستراحه ترى هي يوم الاربعاء تكون عند اهلها
ام ناصر : ادق عليها اليوم وهي يوم الاربعاء
نجود: خير البر عاجله ويمكن تواعد خواتها او شي يعني دقي اليوم احسن ..
قامت ام ناصر وراحت تكلم ام خالد
ام ناصر: الوو
غدير: الو مين معاي
ام ناصر: هلا والله غدير ولاغاده..؟
غدير : لا ما عرفتيني انا غدير
ام ناصر: غدور حبيبتي وين ماما؟
غدير : ماما فوق
ام ناصر : ناديها .. ابغى اكلمها..
غدير :طيب بروح اناديها ..
نزلت السماعه وراحت تنادي امها: مـــــــ ـ ـ ـامــــ ـ ـ ــا
جت ام خالد وكلمت
ام ناصر: السلام عليكم
ام خالد: وعليكم السلام هلا والله اخبارك
ام ناصر: الحمد لله طيبه وش اخبارك واخبار العيال..
ام خالد: الحمد لله كلنا تمام
ام ناصر: اقول ترى الاربعاء الجاي تميمه سلمان ولدمحمد
ام خالد: يا حليله كبر اجب بتممون له..
ام ناصر: ايه والله ..بس لا تخلون.. عارفه ان يوم الاربعاء يوم اخواتك بس اربعاء واحد انشاء الله مو ضار..
ام خالد: لا عاد لازم نحضر تميمه سلومي
ام ناصر: خلاص اجل ما اطول عليك ...مع السلامه
ام خالد: مع السلامه ,,, وسلميني على العيال
ام ناصر: يوصل وانتي بعد سلمين على العيال..
************************************

بعد ثلاث ساعات في المدرسه نوره وشهد طلعو من المدرسه وتوجهوا الى سياره خالد
خالد: الريم ماجت للمدرسه
شهد:الا جايه بس ماندري ليش متأخره اكيد عبايتها ضايعه
خالد: طيب روحي ناديها انا مواعد نواف يجي ياخذني الساعه وحده ونص والحين وحدة الا ربع ..
شهد: خالد والله ما اقدر يمنعون اني اطلع بعدين ادخل مره ثانيه
نوره وهي تناضر من الشباك شافت وحده تمشي بثقل وشكلها يكسر الخاطر" هذي كأنها الريم ....الا والله هذي الريم "
نوره: شهد شوقي الريم شكلها تعبانه حيييل..
شهد راحت للريم واول ما شافتها اغمى عليها ..شهد تأشر لنوره بس نوره ما انتبهت شافها خالد تأشر وحسبها تناديه نزل بسرعه وراح مسك الريم ووصلها لسياره
****************************************
بشار كان مع صديقه عبد العزيز توه طالع من المحاضره ورايحين لسياره بشار
بشار : هاليوم وين بنروح انشالله ؟
عبد العزيز :وش رايك نروح الاربعاء الجاي للشرقيه اوالبحرين؟؟
بشار: خلاص بس انت اللى تحجر وانا بعطيك الفلوس
عبد العزيز: OK.... واليوم انشاء الله نروح للفيصليه وش رايك ..
بشار : راي من رايك...اقول اليوم ما شفت فهد(فهد واحد من اخوياهم)
عبد العزيز: والله ما ادري عنه صاير هاليومين ما يداوم مدري وش فيه؟؟
بشار: طيب ما حاولت تدق عليه
عبد العزيز: والله كم مرره بس مارد ... احس فيه شي
وصلوا السياره
بشار : لا مافيه شي بس خل الوسواس عنك واركب
ركبوا ووصل عبد العزيز لشقه وراح بيتهم ......


انتهى الجزء الاول
اقروره برواقه
.............................................

:: الجزء الثاني::
في المستشفى كانوا نوره وشهد عند الريم لأن حالتها خطيره ... بعد عشر دقايق جت امها عندها وشهد ونوره راحوا يرتاحون ويجونها بعد العصر بعد نص ساعه قامت الريم ومستغربه من المكان اللي فيه حاولت تتذكر شي بس ما تذكرت الا لمن طلعت من المدرسه وجت شهد عندها واللي بعده ما تتذكره ..!!
لفت الريم لقت امها قاعده بالكرسي
الريم بصوت متقطع : يمـ ـ ـ ـ ـ ـ ـ ـ ـ ـ ــه
ام ابراهيم قامت مفجوعه : سمي يمه بغيتي شي؟؟
الريم : انا وين يمه ..... وين خالد وشهد ونوره؟
ام ابراهيم : راحوا يرتاحون ..
الريم : طيب وين مزون ... ليش خلتني لحالي " نزلت دمعه من عينها"
ام ابراهيم : خلاص لا تشيلين بخاطرك .. انشاء الله بتجي بعد العصر هي ورؤود ..
الريم لفت للجهه الثانيه ونامت من التعب
*************************************
في بيت ابو خالد
رجع خالد" مستحيل هذي الريم بنت عمي والله تغيرت وحلوت ... لا يا خالد لا يضعف قلبك لبنت ما درت عنك شل هالفكره من راسك"
دخل الغرفه وبدل ملابسه ولبس بنطلون جينز وبلوزه كت ... وهو طالع قابلته شهد
شهد : خالد الله يعافيك ودني للريم ..
خالد : توك جايه من عندها
الريم: الله يخليك ما اقدر اخليها لحالها
خالد بعصبيه : خلاص بكرا اوديك " وهو يبعدها عن طريقه" بعدي خليني اطلع
شهد: خل اصدقائك ينفعونك

خالد : مالك دخل " دفها وطلع معصب"
************************************
الريم فتحت عينها وتحس انها مرره ثقيله
رؤود : سلامات ما تشوفين شر يا قلبي
الريم بكسل: الشر ما يجيك
مزون : يا عمري سلامات ليته فيني ولا فيك
الريم :بسم الله عليك.... تسلمين
الريم نادت مزون علشان تجلس جمبها
الريم تصيح : مزون انا حاسه ان فيني شي غير فقر الدم .." ضمتها وقعدت تصيح"
مزون وكاسر خاطرها شكل الريم: لا ما فيك شي بس علشانك تعبانه تحسين نفسك منهده
الريم ضمتها وكملت صياح
رؤود : والله لو هو فلم هندي
الريم ومزون : ههههههههههههههههههههه
**************************
شهد راحت لغرفتها وفتحت الشباك وكان نواف توه جاي ياخذ خالد قعدت تناظره " الله ياحلوه وهو كاشخ "
طاحت عينه على عينها ابسم لها ردت له الابتسامه وراحت
خالد وهو يركب السياره : وش تبتسم له
نواف وهو خايف ان خالد يعرف : لا ولا شي بس كانت فيه قطوه بغت تطيح
خالد وهو مو مصدق فكره القطوه : لا يا شيخ كثرلي منها حرك بس حرك
نواف في نفسه :" الحمد لله انه مادرى ولا عصب علي"
****************************
نوره دقت على شهد تسألها بتروح للريم ؟
شهد : لا ما اظن اروح لها بكرأ ... خالد توه طالع مع نواف وما اظن اني اقدر اطلع
نوره: اوكي خلاص انا الحين بروح لها تامرين على شي
شهد : سلميني على الريم وتأسفيلي منها
نوره : يوصل باي
شهد :باي
***********************************
نوره تكلم السواق علشان يوقف عند محل الورود

شافت واحد وسيم قاعد يكلم في المحل " ياربي انا قد شفته بس ويين ؟؟"
وهي نازله
فايز سكر الجوال وحطه في جيبه راح يحاسب راحت نوره تشوف الورد شافت فايز" فايز هنا ياربيه وش اسوي انا قايله هالوجه مو غريب علي"
نوره : لو سمحت هذي بكم
الهندي: 400
نوره تنادي السواق : بسرعه تعال شل الورده وودها للسياره
راحت تحاسب وقفت جمب فايز
نوره بحياء : اهلين فايز
فايز : يا هلا فيك
نوره اول ما سمعت صوته الرومنسي زادت حراره جسمها " حاسبت وهي طالعه سمعت صوت فايز يناديها"
فايز: لوسمحتي انتي مين
نوره : انا نوره راحت وهو متنح " يقلع بليس هالعيون"
نوره ركبت السياره وراحت
**************************************
الريم ورؤود كانوا قاعدين يسولفون ومزون متحمسه مع فلم رومنسي
دخلت نوره : هااي
الريم ورؤود : هااي
نوره لفت على مزون اللي مبين انها مادرت انها دخلت
نوره : مزون
مزون :........
نوره راحت وطفت التلفزيون
مزون :لـــيش؟؟
نوره : بس .... انتي جايه للريم مو لـ التلفزيون
مزون وهي مرره منحرجه : اسفهـ " راحت سلمت على نوره"
نوره ماسكه ضحكتها :ايه بنات هالجيل ما يجون الا بالعين الحمرا
الريم ورؤود : ههههههههههههههههه
نوره ما قدرت تمسك ضحكتها زياده : هههههههههههه
مزون : خير
الريم : سلامتك روحي كملي الفلم

مزون : ما ابغى خلاص عفته
الكل : ههههههههههههههههههههه
نوره : ايه الريم شهد ما تقدر تجي اليوم تقول سلميني عليها وتأسفيلي منها
الريم: الله يسلمك ويسلمها
نوره تنادي السواق علشان يحط الورد
الريم : ليش يا عمري كثرتي على روحك
نوره : لا عادي
دق الباب
الريم : مين
نوره : انا بشوف
نوره كانت لابسه بنطلون جينز وبلوزه حمرا كان شكلها حلو بالاحمر
فتحت الباب وهي ما لبست عبايتها
دخل فايز
نوره ارتبكت : اهلين
فايز : هلا وغلا ومسهلا
نوره : وش بقى..؟
فايز : هههههه
نوره: هههههههههه
فايز يناظرها من فوق لتحت : طالعه قمر
نوره نزلت راسها : تسلم
مزون بصوت عالي: نوره مييين
فايز : الريم عندها احد..؟
نوره خدودها صارت حمرا : ايه احنا والبنات
فايز" الله لابسه احمر وخدوده حمرا طالعه ورده"
نوره : احم احم وين رحت
فايز معك عمـــ ـ ـ ـ" وسكت"
نوره: اقولهم بتغطون
فايز : لا انا بطلع سلميني عليها وعطيها الورده
نوره : اوكي
فايز قطع وحده من الورود وعطاها نوره: وهذي لك..!!

نوره وهي متقطعه من الحياء: تسلم خذتها وناظرت في عيونه اللي ما خلتها تنام
فايز : اوكي باي
نوره : باي
دخلت نوره وفي يدها ورده وحده
البنات : مين
نوره : فايز قالتها برومنسيه
البنات : فايز ....
الريم : يا حبي له هذي لي منه" تناظر الورده اللي في يد نوره"
نوره بخوف : لا هذي انا قطفتها عجبني لونها هو جايب لك ورد بس عند الباب
الريم تناظر نوره اللي متنحه : لا وش لابس اخوي,,,.
نوره : طالع قمر لابس برمودا وبلوزه سودا
الريم : قمر هاااه
نوره استوعبت : هاه لا اقصد
البنات : هههههههه
جلست جمب رؤود وهي مستحيه
***************************************
بعد صلاة العشاء كان نواف وخالد يتمشون في الفيصليه
خالد لمح واحد يكلم بنت ويشبه بشار ولد عمه
خالد:"هذا بشار لا مستحيل بشار ما يسوي هالحركات "
خالد: نواف تعال بروح اشوف هذا وش يسوي مع البنت
نواف : وش عليك منهم
خالد : قلت لك امش وانت ساكت
راح خالد ونواف وانصدم خالد لما شاف بشار ولد عمه هو اللي يكلم البنت
خالد بصوت عالي : بشــــــــــــــــاااااار
بشار بأستحقار: اسكت فضحتنا يا قليل الادب
خالد مسك بشار مع رقبته
بشار :ابعد عني ازيلك
خالد : اذا اهلك ما عرفوا يربونك انا اربيك
بشار: احترم نفسك وحدك لا تغلط على اهلي

خالد : تعال معي ازيلك
نواف :اهدوا
خالد :انت مالك شغل فينا رح شغل السياره وانت ساكت
نواف راح وشغل السياره
خالد وهو يسحب بشار : امش معي يالواطي
خالد وبشار ونواف ركبوا السياره
خالد : حرك لبيت عمي
بشار: انت مالك شغل فيني رجاء لا تتدخل
خالد :اذا نطق السفيه فلا تجبه
بشار : مالسفيه الا انت وامثالك
خالد : ................ ساكت
نواف : تعوذوا من ابليس
بشار لما شاف خالد سكت سكت وراه
بعد عشر دقايق وصلوا

واااااااااااااو

مرا روووعه

بليييز كمليها بسررعه هع

بانتظار الجزء التاالي هع

بأنتظار الجزء الثاني

من عنوني بس باقي اكمل الثاني...*__*

خقآآآق

انتظر الجزء الثااني
بأحر من الجمر

نسيت
تم الثبييت
بشطرطون احمر
وبالتووووووفيق

وه وه بس يا حبي لك بس